Home » Travel & Places » South Asia Countries

Salawikain

Ranked #149 in Travel & Places, #7,454 overall | Donates to Global Youth Village

Mga Salawikain sa Tagalog

Ang Salawikain o kasabihan ay nagtataglay ng mga pangaral at karunungan sa pamamagitan ng mga salitang may tugma at sukat. Ito ay ginagamit noong sinauna, maging sa kasalukuyang panahon upang magpayo, gumabay at magturo ng mabubuting asal.
Narito ang ilan sa halimbawa ng mga salawikain at ilan na may paliwanag.

Filipino Proverbs or sayings are statements that contains wisdom and lessons through the use of phrases with rhyme and measure. It was used back then and even to this modern day to give advice, to impart guidance and to teach virtue. Here are some Filipino sayings and their explanations.
Jose Rizal

Ang hindi magmahal sa kanyang salita
Mahigit sa hayop at malansang isda

He who doesn't cherish his own dialect, is more beastly than animals and worse than a rotten fish.

Ang kasabihan o salawikaing ito ay hango sa tula ni Dr. Jose Rizal na sa murang edad na walo, ay lumikha ng isang tula na may pamagat na Sa Aking Mga Kababata, na may tema na pag-ibig sa bayan sa pamamagitan ng pagmamahal sa sariling wika.
wikipedia

This popular Filipino proverb is an except from poem written by Dr. Jose Rizal when he was just eight years old. The title of the poem is "To My Fellow Youth", which has a theme of love for country by patronizing first your own language.

Mga Salawikain

Mga Halimbawa ng Salawikain sa Tagalog na Wika.


Ang lumalakad ng matulin
kung matinik ay malalim

And di-marunong mag-ipon
walang hinayang magtapon

Ang kawayan kung tumubo
langit na matayog ang itinuturo;
Ngunit kung masunod na ang anyo,
Sa lupa rin ang yuko

Sinimulang gawain ay tapusin mo
bago gumawa ng panibago

Ubos-ubos biyaya
bukas ay nakatunganga

Daig ng taong maagap
ang taong masipag

Ang totoong paanyaya
may kasamang hila

Walang masamang pluma
sa taong mabuting lumetra

Ang pagsasabi nang tapat
ay pagsasama nang maluwag

Ang bayaning nasusugatan
nag-iibayo ang tapang

Sa may tunay na hiya
ang salita ay panunumpa

Madali ang maging tao
ang mahirap ay ang magpakatao

Maaring pigilin ang baha
ngunit hindi ang dila

Kapag may isinuksok
may madudukot

Ang taong di nasisiyahan
mailap ang kaligayahan

Ang bahay mo man ay bato kung ang nakatira ay kuwago
Mabuti pa ang isang kubo na ang nakatira ay tao


Sumasalamin sa salawikain na ito ang mataas na pagpapahalaga ng mga Filipino sa pagkakaroon ng mabubuting pag-uugali na kahit na salat sa kayamanan at magagarang tahanan, ay higit sa lahat ay namumuhay nang may dignidad at kagandahang asal.
(larawan: bahay kubo mula kay pinkblot6)

Ang sakit ng kalingkingan
ay dama ng buong katawan

Ang batang magalang
ay dangal ng magulang

Anak na di paluhain
magulang ang paiiyakin

Hindi man magmana ng salapi
magmana man lang ng mabuting ugali

Kung sino ang nangangako
ay siyang napapako

Ang taong walang kibo
nasa loob ang kulo

Walang sumisira sa bakal
kundi ang sariling kalawang

Ang kagandahang asal
ay kaban ng yaman

Kapag iniamba, kailangang itaga
kapag itinutok, kailangang iputok

Magbiro ka na sa lasing
wag lang sa bagong gising

Lahat ng iyong kakainin
sa sariling pawis mo manggagaling

Ang lihim ay hindi na lihim
kapag may dalawa o higit nakakaalam

Ang walang pagod magtipon
walang hinayang magtapon

Salawikain at Paliwanag

Bago muna gawin, makapitong isipin
Ipinahihiwatig ng kasabihang ito na kung may desisyon na gagawin, higit sa lahat ay iyong mga mahahalagang bagay sa buhay, dapat ay masusing pag-aralan o siyasatin upang sa bandang huli ay maging tama kung ano man ang ating piliin at pagdesisyunan.

Ang labis na pagmamadali, nagbubunga ng pagkakamali
Huwag maging mapusok o padalus-dalos sa ating gagawin sapagkat ang mga bagay na hindi pinag-isipan ay karaniwang sa bandang huli ay pinagsisihan.

Ang maniwala sa sabi sabi, walang bait sa sarili
Ang taong may sariling disposisyon at respeto sa sarili ay hindi agad bumabaling sa mga idelohiya at paniniwala ng iba lalu't ito ay may potensiyal na makasama sa iyo at sa iyong kapwa. Sa panahon na napakadaling makarating ng mga impormasyon, ang iba dito ay hindi katotohanan at marapat muna na siyasatin upang hindi malinlang ng mga taong may intensiyong hindi mabuti sa kapwa.
 


Marami ang matapang sa bilang
ngunit ang buong-buo ay iilan

Ang anak kayang tiisin ang magulang
ngunit ang magulang ay hindi kayang tiisin ang anak

Kapag may isinuksok
may madudukot

Paghaba-haba man saw ng prusisyon
sa simbahan din ang tuloy

Ang taong sa mabuti nanggaling
sumama man ay sadyang bubuti pa rin

Walang matimtimang birhen
sa matiyagang manalangin

Kapag nagbukas ang kaban
natutukso kahit ang banal

Ang hiram na wika
ay saksi sa hiram na kalayaan

Ang nagtanim ng hangin
bagyo ang aanihin

Ikinatatalo sa alinmang digmaan
ay ang guni-guning takot sa kalaban

Ang tunay na kaibigan
nasusubok sa kagipitan

Sa mabait na bata,
marami ang natutuwa.

Lumilipas ang kagandahan,
ngunit hindi ang kabaitan.

Kung ibig ng karunungan,
habang bata ay mag-aral;
Kung tumanda, mag-aral man,
mahirap nang makaalam.

Mabigat man ang dalahin,
pag naatang susunungin.

Mabuti pa ang nag-iisa
Kaysa may masamang kasama

Ang anumang agwat ay di mararating,
kung titingnan lamang at di lalakarin.

Mga Salawikain na May Paliwanag

Narito ang website para sa karagdagang mga salawikain na may mga paliwanag at kahulugan.

3

Vote Up
Vote Down

Salawikain: Filipino Proverbs

Filipino culture, traditions, life0 points

Apo Hiking Society│Salawikain
by pinoytayo4ever | video info

31 ratings | 26,647 views
curated content from YouTube
Loading

Guestbook

  • Sanny Tendilla Feb 1, 2012 @ 7:31 am | delete
    Ang mga Salawikain at folk songs ay hindi dapat na malimutan ng bawat Filipino.
  • itgraphix Dec 30, 2011 @ 2:02 pm | delete
    Nice lens Thanks for share
  • techie-agent Dec 12, 2011 @ 9:53 pm | delete
    ang mga salawikain ay katulad din ng mga filipino folk songs na dapat pinapahalagahan.
  • Tipi Dec 1, 2011 @ 10:22 am | delete
    I am happy to see writers using native language and translations is just moments away, well done!
  • cffutah Oct 19, 2011 @ 8:48 pm | delete
    didn't know about this place, I do now, 'thumbs up' to ya.
  • Load More
Show All

by

Bughaw

Paksang Tagalog, Atbp

Feeling creative? Create a Lens!

Related Tags